XALQARO ILMIY-AMALIY KONFERENSIYA TEZISLAR TO‘PLAMI NASHR ETILDI!

Tashkent International Universityda bo‘lib o‘tgan “Innovatsion yo‘llar: huquq, iqtisodiyot va texnologiya chorrahasida” mavzusidagi xalqaro ilmiy-amaliy konferensiya tezislar to‘plami nashr etildi.

Mazkur to‘plamda konferensiya doirasida taqdim etilgan ilmiy maqola va tezislar jamlangan bo‘lib, unda professor-o‘qituvchilar, tadqiqotchilar, mutaxassislar, doktorantlar hamda talabalar tomonidan ilgari surilgan ilmiy qarashlar o‘rin olgan.

To‘plam uch tilda — o‘zbek, rus va ingliz tillarida tayyorlangan bo‘lib, unda huquq, iqtisodiyot, raqamli texnologiyalar, innovatsion rivojlanish hamda zamonaviy ilm-fan yo‘nalishlaridagi dolzarb masalalar yoritilgan.

Ushbu nashr ilmiy tajriba almashish, innovatsion g‘oyalarni rivojlantirish hamda xalqaro akademik hamkorlikni mustahkamlashga xizmat qiladi.