Tashkent International University talabalari uchun Qozog‘iston Respublikasidagi Kokshetau universitetida 2026–2027 o‘quv yilining kuzgi semestrida akademik mobillik dasturi asosida tahsil olish imkoniyati taqdim etilmoqda.
Mazkur dastur talabalarga xalqaro ta’lim muhitida o‘qish, yangi bilim va tajribalarni o‘zlashtirish, xorijiy universitet faoliyati bilan yaqindan tanishish hamda xalqaro akademik hamkorlikning faol ishtirokchisiga aylanish imkonini beradi.
Akademik mobillik dasturida quyidagi yo‘nalishlarda tahsil olayotgan talabalar ishtirok etishlari mumkin:
— Yurisprudensiya
— Axborot texnologiyalari
— Ta’lim
— Biznes
Dastur doirasida talabalar bir semestr davomida Kokshetau universitetida tahsil olib, malakali professor-o‘qituvchilar tomonidan olib boriladigan mashg‘ulotlarda qatnashadilar. Shuningdek, ular xalqaro talabalar bilan tajriba almashish, yangi akademik muhitga moslashish hamda turli madaniyat vakillari bilan muloqot qilish imkoniyatiga ega bo‘ladilar.
Akademik mobillik dasturlari talabalar uchun nafaqat ta’lim sifatini oshirish, balki mustaqil fikrlash, yetakchilik, muloqot va global kompetensiyalarni rivojlantirishda ham muhim ahamiyat kasb etadi. Xorijiy universitetda tahsil olish jarayonida talabalar o‘z bilimlarini amaliy jihatdan mustahkamlash bilan birga, xalqaro tajriba orttirish va kelajakdagi kasbiy faoliyati uchun muhim ko‘nikmalarni shakllantiradilar.
Mazkur imkoniyat Tashkent International Universityning xalqaro hamkorlik aloqalarini kengaytirish hamda talabalar uchun yangi ta’lim imkoniyatlarini yaratishga qaratilgan sa’y-harakatlarining yana bir yorqin namunasi hisoblanadi.
Dasturda ishtirok etish istagidagi talabalar quyidagi manzil orqali murojaat qilishlari mumkin:
SIZNI YANGI BILIM VA IMKONIYATLAR KUTMOQDA!