2026-yil IV choragida nishonlanadigan bayramlar va muhim sanalar

2026-yil IV choragida nishonlanadigan bayramlar va muhim sanalar

2026-yilning IV choragida O‘zbekistonda bir qator umumxalq bayramlari va muhim sanalar nishonlanadi.

Mazkur davrda quyidagi sanalar alohida e’tirof etiladi:

1-oktabr — O‘qituvchi va murabbiylar kuni.
Ustoz va murabbiylarning ta’lim-tarbiya sohasidagi mehnatini qadrlash va e’tirof etishga bag‘ishlangan sana.

21-oktabr — O‘zbek tili bayrami kuni.
O‘zbek tilining milliy qadriyat va ma’naviy merosimizdagi o‘rnini e’zozlashga qaratilgan muhim sana.

18-noyabr — O‘zbekiston Respublikasi Davlat bayrog‘i qabul qilingan kun.
Davlatimiz suvereniteti va milliy ramzlarimizdan biri bo‘lgan Davlat bayrog‘i qabul qilingan sana.

8-dekabr — O‘zbekiston Respublikasi Konstitutsiyasi kuni.
O‘zbekiston Respublikasi Konstitutsiyasi qabul qilingan kun sifatida nishonlanadi.

10-dekabr — O‘zbekiston Respublikasi Davlat madhiyasi qabul qilingan kun.
Davlatimizning asosiy ramzlaridan biri bo‘lgan Davlat madhiyasi qabul qilingan sana.

Ushbu sanalar O‘zbekiston Respublikasi Oliy ta’lim, fan va innovatsiyalar vazirligining 2026-yil 17-avgustdagi 05/61-6969-son xati ilovasida IV chorak uchun belgilangan bayramlar va muhim sanalar ro‘yxatida keltirilgan.