Mamlakatimiz farovonligi yoʻlidagi faoliyatingizda muvaffaqiyatlar tilayman! Yil davomida sihat-salomatlik, aʼlo kayfiyat va omad sizlarni aslo tark etmasin! Oilangizda baxtu-saodat, xonadoningizda tinchlik-xotirjamlik va fayzu-baraka arimasin!
2024-yilda birgalikda katta yutuqlarga erishdik, yangi imkoniyatlarni ochdik va taʼlim sifati hamda ilm-fan taraqqiyoti uchun muhim qadamlar tashladik. Jumladan, oʻquv jarayoniga yangi pedagogik hamda raqamli texnologiyalarni joriy qildik. Maʼnaviyat va maʼrifat, madaniyat va sport sohasida qilingan ishlar, qoʻlga kiritilgan yutuqlar ham oʻziga xos ahamiyat kasb etdi. Universitetimizda tahsil oluvchi talaba-yoshlarimizning turli konferensiyalar va tadbirlardagi faol ishtiroki olib borilayotgan tizimli ishlarning samarasi desak, mubologʻa boʻlmaydi. Sizlarning mehnatingiz, gʻayratingiz va sadoqatingiz universitetimizning muvaffaqiyatli rivojlanishida muhim oʻrin tutadi.
Kelajakka umid va ishonch bilan qaragan holda, yangi 2025-yilda ham sizlar bilan yanada ulkan marralarga erishishimizga ishonaman.
Yangi yil munosabati bilan sizlarni yana bir bor qutlab, barchangizga muvaffaqiyatlar va ilhom tilayman.
Yangi yil muborak boʻlsin!
Hurmat bilan,
Iskandar Yuldashev
Comments