1-mart kuni Tashkent International University va Qozog'iston Respublikasining bir qator ta'lim muassasalari o'rtasida hamkorlik memorandumi imzolandi.

Ushbu memorandum akademik hamkorlikni rivojlantirish va qo‘shma ta’lim dasturlari hamda tadbirlarini ishlab chiqish va amalga oshirishga qaratilgan. Memorandumni imzolagan ta'lim muassasalari quyidagilardan iborat:

Qozog'iston Respublikasining Qoplonbek Oliy Agrar-Texnik Kolleji;

Turkiston Ko‘p Tarmoqli Texnika Kolleji;

Turkiston 17-Kolleji;

D.Kunayev nomidagi Agro-Texnika Kolleji.

Hamkorlik doirasida amalga oshiriladigan asosiy yo‘nalishlar:

-akademik, ilmiy va madaniy almashinuvlarni tashkil etish;

-ta’lim jarayoni sifatini oshirish maqsadida har bir Tomonning resurslari va kasbiy -kompetensiyalaridan foydalanishni ta’minlash.

-qo‘shma ta’lim dasturlari va tadbirlarini ishlab chiqish va amalga oshirish;

-qo‘shma ta’lim dasturlarini amalga oshirish uchun zarur moddiy-texnikaviy va infratuzilma resurslari bilan ta’minlash;

-maqsadli auditoriya orasida ta'lim dasturlarini targ'ib qilish;

-qo'shma loyihalarni marketing va axborot bilan ta'minlash.